tag:blogger.com,1999:blog-70829162861157716042024-03-14T03:09:50.506-07:00PD'occhioPrurito UrbanoS'ha a piddì?http://www.blogger.com/profile/12117915239862040304noreply@blogger.comBlogger1125tag:blogger.com,1999:blog-7082916286115771604.post-22628052953620410512012-10-26T07:25:00.001-07:002012-10-26T07:25:27.610-07:00Provando e riprovando
<br />
Interim ego, qui privatum habebam secessum, in multas cogitationes diductus sum, quare aper pilleatus intrasset. Postquam
itaque omnis bacalusias consumpsi, duravi interrogare illum interpretem meum, quod me torqueret. At ille: "Plane etiam hoc
servus tuus indicare potest: non enim aenigma est, sed res aperta. Hic aper, cum heri summa cena eum vindicasset, a conviviis
dimissus ; itaque hodie tamquam libertus in convivium revertitur." Damnavi ego stuporem meum et nihil amplius interrogavi,
ne viderer nunquam inter honestos cenasse.
Dum haec loquimur, puer speciosus, vitibus hederisque redimitus, modo Bromium,
interdum Lyaeum Euhiumque confessus, calathisco uvas circumtulit, et poemata domini sui acutissima voce traduxit. Ad quem sonum
conversus Trimalchio: "Dionyse, inquit, liber esto." Puer detraxit pilleum apro capitique suo imposuit. Tum Trimalchio rursus
adiecit: "Non negabitis me, inquit, habere Liberum patrem." Laudamus dictum Trimalchionis, et circumeuntem puerum sane
perbasiamus.
Ab hoc ferculo Trimalchio ad lasanum surrexit. Nos libertatem sine tyranno nacti coepimus invitare convivarum
sermones.
S'ha a piddì?http://www.blogger.com/profile/12117915239862040304noreply@blogger.com0